Íbúafundir í maí og júní 2021
Boðað er til íbúafunda til kynningar á tillögu samstarfsnefndar um sameiningu Blönduósbæjar, Húnavatnshrepps, Skagabyggðar og Sveitarfélagsins Skagastrandar, sem kosið verður um þann 5. júní næstkomandi. Fundunum verður einnig streymt og geta þátttakendur sent spurningar rafrænt til samstarfsnefndar.
Íbúafundir verða haldnir á eftirfarandi stöðum:
- Fellsborg á Skagaströnd. Þriðjudaginn 18. maí, kl. 20.00-21:30 (sjá upptöku)
- Félagsheimilinu á Blönduósi. Miðvikudaginn 19. maí, kl. 20.00-21:30 (sjá upptöku)
- Húnavöllum í Húnavatnshreppi. Mánudaginn 31. maí, kl. 20.00-21:30 (sjá upptöku)
- Skagabúð í Skagabyggð. Þriðjudaginn 1. júní, kl. 20.00-21:30 (sjá upptöku)
Íbúum er frjálst að sækja fundi á þeim stöðum og tímasetningum sem þeim best henta. Í ljósi samkomutakmarkana er mikilvægt að vita hve margir íbúar mæta á hvern fund. Þeir sem ætla að mæta á á staðinn þurfa að skrá sig fyrirfram hér á vefnum.
Fundirnir verða sendir út rafrænt á Zoom og verður streymt Facebook síðunni Húnvetningur. Þátttakendur í fundarsal og þeir sem fylgjast með rafrænt geta sent spurningar til samstarfsnefndar í gegnum samráðsforritið menti.com
Á menti.com er hægt að gefa spurningum annarra atkvæði til að færa þær framar í röðinni eða skrá inn nýja spurningu. Einnig verður boðið upp á hnitmiðaðar spurningar úr sal.