Fréttir

Íbúar Blönduósbæjar og Húnavatnshrepps samþykktu í dag sameiningu sveitarfélaganna tveggja. Sveitarstjórn sameinaðs sveitarfélags verður kjörin 14. maí næstkomandi og tekur sameinað sveitarfélag gildi 15 dögum síðar.

Í dag er kosið um sameiningu Blönduósbæjar og Húnavatnshrepps. Á Blönduósi er kosið í Íþróttamiðstöðinni á milli klukkan 10:00 og 20:00 og í Húnavatnshreppi er kosið í Húnavallaskóla á milli klukkan 11:00-20:00. Talning atkvæða fer fram á hvorum kjörstað fyrir sig og hefst eftir að kjörstöðum lokar. Úrslit verða birt hér á síðunni og á vefsvæðum Blönduósbæjar og Húnavatnshrepps.

Hlutverk samstarfstarfsnefndar er kanna hvort hag íbúa sé betur borgið í sameinuðu sveitarfélagi en í sveitarfélögunum hvoru í sínu lagi. Nefndarmenn hafa unnið lengi að því að skoða hvort sameining sé vænlegur kostur og hafa að undanförnu skrifað greinar í staðarmiðlana til að koma niðurstöðu sinni á framfæri. Hér eru slóðir á nokkrar þeirra:

Í tilefni af dreifibréfi N-hópsins sem dreift hefur verið í Húnavatnshreppi vill samstarfsnefnd koma á framfæri við íbúa að það er uppfullt af rangfærslum. Samstarfsnefnd hvetur íbúa til að kynna sér það kynningarefni sem sett hefur verið fram á heimasíðunni hunvetningur.is og senda samstarfsnefnd spurningar til að fá réttar upplýsingar. Samstarfsnefnd fagnar allri málefnalegri umræðu og hvetur íbúa til að nýta kosningaréttinn á laugardag.

Ósk um kosningu utan kjörfundar er hægt að senda á netfangið nordurlandvestra@syslumenn.is

Minnt er á atkvæðagreiðslu utankjörfundar hjá sýslumanni. Kjósendur í einangrun eða sóttkví geta fengið leiðbeiningar hjá sýslumanni.

Meðal þess sem samstarfsnefnd um sameiningu Blönduósbæjar og Húnavatnshrepps hefur tekið sér fyrir hendur í sameiningarviðræðunum er að kortleggja helstu hagsmunamál sveitarfélaganna tveggja og koma upplýsingum um þau á framfæri við ráðherra og þingmenn kjördæmisins. Nefndin hefur tekið saman minnisblöð með helstu hagsmunamálum til að afhenda á fundum með þessum aðilum.

Íbúafundurinn sem haldinn var fimmtudaginn 3. febrúar var vel sóttur. Um 95 manns sátu fundinn þegar mest var. Fundurinn var haldinn sem fjarfundur á Zoom, bæði af tilliti til sóttvarna og vegna slæmrar veðurspár. Á fundinum voru forsendur sameiningartillögu og framtíðarsýn samstarfsnefndar fyrir sameinað sveitarfélag kynntar.

Laugardaginn 19. febrúar næstkomandi fara fram kosningar um sameiningu Blönduósbæjar og Húnavatnshrepps.

Þjóðskrá hefur opnað fyrir rafrænan aðgang að kjörskrárstofni.