Húnvetningar samþykktu sameiningu

Íbúar Blönduósbæjar og Húnavatnshrepps samþykktu í dag sameiningu sveitarfélaganna tveggja. Sveitarstjórn sameinaðs sveitarfélags verður kjörin 14. maí næstkomandi og tekur sameinað sveitarfélag gildi 15 dögum síðar.

Í Blönduósbæ var kjörsókn 64,5 prósent. Alls greiddu 411 atkvæði, en 637 voru á kjörskrá.

  • Já sögðu 400
  • Nei sögðu 9
  • Tveir kjörseðlar voru ógildir

Í Húnavatnshreppi var kjörsókn 82,78% prósent. Alls greiddu 250 atkvæði, en 302 voru á kjörskrá.

  • Já sögðu 152
  • Nei sögðu 92
  • Auðir og ógildir voru 6

 

Niðurstöður eru birtar með fyrirvara um lokaskil kjörstjórna til Hagstofu.