Fréttir

Skólar eru hjartað í hverju samfélagi og á því leikur enginn vafi. Allt tal um breytingar í skólamálum getur vakið upp ótta og óróleika hjá íbúum.

Þann fimmta júní næstkomandi gefst íbúum í Austur Húnavatnssýslu tækifæri til þess að taka afstöðu til hvort sameina beri öll sveitarfélögin í sýslunni í eina stjórnsýslueiningu. Undirbúningsvinna hefur staðið yfir lengi og því mikið magn upplýsinga á www.hunvetningur.is sem kjósendur geta kynnt sér áður en kosning fer fram.

Oddvitar sveitarstjórnanna hafa átt fjarfundi með þingflokkum til að koma hagsmunamálum Húnvetninga á dagskrá.

Þann 12. apríl sl. hófst utankjörfundaratkvæðagreiðsla vegna kosninga um sameiningu sveitarfélaganna Blönduósbæjar, Skagabyggðar, Sveitarfélagsins Skagastrandar og Húnavatnshrepps.

Oddvitar sveitarstjórnanna fjögurra munu eiga fjarfundi með þingflokkum á Alþingi í apríl til að kynna áherslur og helstu hagsmunamál Húnvetninga.

Sveitarstjórnirnar telja brýnt að fylgt verði þeim áherslum sem fram hafa komið á fundum með þingmönnum og ráðherrum varðandi brýn verkefni í atvinnu- og byggðamálum í Austur-Húnavatnssýslu. Svo sem stuðningi við stofnun Umhverfisakademíu, uppbyggingu ferðamannastaða, og fjölgun starfa við innheimtuþjónustu sýslumanns á Blönduósi og Vinnumálastofnunar á Skagaströnd.

Á íbúafundum komu fram spurningar um hvað gerist ef íbúar í einu sveitarfélagi fella sameiningartillöguna. Á fundi samstarfsnefndar 8. mars var fjallað um þann möguleika.

Þátttakendur á fundinum voru sammála um að á næstu misserum verða breytingar í stjórnsýslu, atvinnulífi og þjónustu á svæðinu hvort sem af sameiningu sveitarfélaganna verður eða ekki. Spurningin sem íbúar standa frammi fyrir er hvort betra sé fyrir samfélagið að takast á við þær breytingar í einu sveitarfélagi eða fjórum. Stöðnun er ekki valkostur.

Á Facebook síðunni Húnvetningur er streymi á íbúafundinn sem hófst kl. 10

Í fyrramálið kl. 10 fer fram seinni íbúafundur um sameiningarviðræður sveitarfélaganna. Mjög góð þátttaka var á fundinum á miðvikudagskvöldið og nú gefst þeim sem misstu af fundinum tækifæri til að koma sínum sjónarmiðum á framfæri.